Na Mwandishi Wetu, Mtanzania Digital
Mkuu wa Mkoa wa Morogoro, Fatma Abubakar Mwasa leo Jumamosi Agosti 20, 2022 ametembelea banda la TAWA katika viwanja vya Gymkhana mkoani Morogoro ambako Mbio za riadha za ‘Selous Marathon’ zimefanyika.
Akiwa katika banda la TAWA, Mwasa amepata maelezo mafupi kuhusu shughuli mbalimbali zinazofanywa na TAWA.
Ikumbukwe kuwa TAWA imetumia mbio riadha za ‘Selous Marathon’ kutangaza vivutio vya utalii vinavyopatikana katika Pori la Akiba la Selous lililopo mikoa ya Lindi na Pwani.
Pia Pori la Akiba Pande lililopo jijini Dar es Salaam na Pori la Akiba Wamimbiki lililopo mkoani Morogoro.
