Mahitaji
Mchele kilo 1
Kuku 1
Vitunguu 3
Viazi mbatata 5
Jira/binzari ya pilau vijiko vya supu 3
Mdalasini 1
Pilipili manga kijiko cha supu 1
Hiliki chembe 3
Karafuu chembe 5
Kitunguu saumu (thomu/galic) kilichoosagwa vijiko vya supu 3
Tangawizi mbichi iliyosagwa vijiko vya supu 3
Mafuta ya kupikia kikombe ½
Chumvi kiasi
Namna ya kupika
1. Baada ya kumsafisha kuku na kumkatakata, mchemshe kwa chumvi na ndimu, kijiko kimoja cha kitunguu saumu na tangawizi
2. Menya viazi, katakata vipande vya kiasi.
3. Katakata vitunguu maji kisha kaanga kwa mafuta katika sufuria ya kupikia pilau.
4. Tia binzari zote isipokuwa hiliki.
5. Saga hiliki kisha tia pamoja na kitunguu saumu ukaange kidogo.
6. Mimina kuku na supu yake ikichemka kisha tia mchele na viazi.
7. Koroga kisha acha katika moto mdogomdogo wali uwive kama kawaida ya kupika pilau.
8. Ukiiva ipua, tayari kwa kuliwa. Chakula hiki unaweza kula kwa kachumbali na ndizi za kuiva pembeni.
