Na Winfrida Mtoi, Dar es Salaam
Bondia Mtanzania, Abdallah Luanjo, amemtandika Muitaliano, Gianluca Franco kwa K.O, raundi ya nne katika pambano la utangulizi la raundi 10 la kusindikiza usiku wa ‘Queen of the Ring’ kati ya Zulfa Macho na Halima Vunjabei.
Licha ya Muitaliano huyo kuwa fiti katika raundi tatu za mwanzo, lakini kasi aliyoingia nayo Luanjo raundi ya nne kwa kumpiga makonde mfululizo ilimfanya mzungu huyo kukubali yaishe.
Mapambano mengine makali ya wanaume, George Bonabucha kutoka wa aliyempiga K.O Chiddi Mbishi raundi ya pili.
Ismail Galiatano alishinda K.O dhidi ya Nassoro Madimbo, raundi ya tano katika mpambano la raundi nane, wakati Charles Tondo alimpiga K.O Sunday Kiwale katika raundi ya tano.
Wengine ni Lolen Japhet akimpiga kwa pointi Hamisi Suleiman na Ramadhani Iddi alimtwanga Fadhili Chamile.
