NA EDO BRIAN
MSANII wa filamu za Kibongo, Stanley Msungu ameamua kugeukia uimbaji wa muziki wa Injili na tayari ameshaachia wimbo mmoja unaojulikana kwa jina la Nimerudi.
Msungu ambaye pia hujulikana kama Senator ameliambia Swaggaz kuwa, anamshukuru Mungu kwa vipaji anavyompa na yupo tayari kurudi mikononi mwake kumtumia kwa dhati.
“Wengi wanajua mimi ni mwigizaji pekee, lakini pia naishi ndani ya Yesu… na sasa nimeamua kumtumikia Mungu kupitia kipaji changu. Wimbo wa Nimerudi ni mwanzo wa cheche zangu kwenye Gospo,” alisema Msungu ambaye ameshauachia wimbo huo kwenye mtandao wa YouTube.
