Imechapishwa: Sun, May 20th, 2018

MAGONJWA MAPYA 30 KUONGEZEKA KWA MWAKA

Joyce Kasiki, Dodoma

Hadi kufikia mwaka 2030 kutakuwa na magojwa mapya 30 kwa mwaka, kutoka magonjwa mapya matano hadi manane ambayo hujitokeza hivi sasa kila mwaka duniani.

Ongezeko hilo la magonjwa mapya ni kutokana na kuongezeka kwa watu duniani hususani kwa nchi zinazoendelea, utafutaji wa chakula kwa binadamu hasa katika ufugaji wa wanyama, kuongezeka kwa matumizi ya ardhi kwa sababu ya kuongezeka kwa watu, shughuli za kilimo na utafutaji madini.

Hayo yamesemwa na Mjumbe wa Afya Moja, Profesa Japhet Kilewo wakati akitoa mada kwenye kikao kazi cha wadau wa Afya Moja kilichofanyika mwishoni mwa wiki jijini Dodoma.

“Mambo yote hayo yanaongeza uwezekano wa binadamu na mnyama au mnyama pori kukaa pamoja maana mambo hayo yote hufanyikia porini,ugonjwa ukitokea kwa sasa ni rahisi kuenea kwa kasi dunia nzima kutokana na kurahisishwa kwa usafiri tofauti na zamani,” amesema Profesa Kilewo.

Kwa upande wake Katibu Mkuu, Ofisi ya Waziri Mkuu, Sera na Uratibu Faustine Kamuzora akifungua kikao kazi hicho alisema hali ya mazingira siyo nzuri kutokana na wanyama kuhama hama ambapo huhama na magonjwa yao na kuyasambaza kwa binadamu.

 

Weka maoni yako

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

YOUTUBE

MAGONJWA MAPYA 30 KUONGEZEKA KWA MWAKA