Imechapishwa: Wed, Sep 13th, 2017

GABO: KUENDEKEZA BIFU NI KUJIMALIZA

NA JESSCA NANGAWE-DAR ES SALAAM


MKALI wa Filamu za Bongo, Gabo Zigamba, amesema wasanii kuendekeza bifu  ni dalili za kujimaliza kabisa na kukosa ubunifu kwenye kazi zao.

Hivi karibuni msanii huyo amejikuta katika ugomvi na msanii mwenzake, Daudi Michael maarufu kama Duma kutokana na kila mmoja kumlalamikia mwenzie kushindwa kuitendea haki tasnia hiyo.

Gabo amesema kuendelea kuzozana na Duma ni kujidhalilisha, kwani kufanya hivyo ni kujimaliza zaidi katika kazi zao.

“Unadhani bifu kama hizi zinasaidia? nadhani ni kuendelea kujichimbia kaburi na kupotea kabisa katika ramani ya sanaa, tushindane katika kutoa kazi nzuri, zenye ubunifu  kwa masilahi yetu na ya mashabiki,” alisema Gabo.

Gabo amekuwa akilalamikiwa na Duma  kuwa ni mmoja wa wasanii ambao wanadidimiza tasnia ya filamu kutokana na kupewa hadhi kubwa ambayo kwa sasa inaonekana kumzidia.

Weka maoni yako

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

FACEBOOK

YOUTUBE

Translate »

GABO: KUENDEKEZA BIFU NI KUJIMALIZA