Na Mwandishi Wetu, Mtanzania Digital
Machi 8, kila mwaka Wanawake kote duniani huungana kuadhimisha SIKU YA WANAWAKE DUNIANI ambapo Kaulimbiu ya maadhimisho ya Siku ya Wanawake 2024 inasema; Wekeza kwa wanawake kuharakisha maendeleo ya taifa na ustawi wa jamii.
Hapa nchini katika kuadhimisha siku hiyo Wanawake wa Taasisi ya Watumishi Housing Investments (WHI) wametoa msaada wa dawa na mahitaji muhimu kwa ajili ya wagonjwa wa saratani katika Taasisi ya Saratani Ocean Road jijini Dar es Salaam.
Akikabidhi Msaada huo Afisa Utumishi Mkuu wa WHI, Priscila Ambelile amesema msaada huo ni sehemu ya kusherehekea siku ya Wanawake duniani huku wakitambua kazi kubwa inayofanywa na Taasisi hiyo ya Ocean Road.
“Kama inavyofahamika kwamba leo Machi 8, 2024 tunaadhilisha Siku ya Wanawake Duniani nasisi wanawake wa Taasisi ya Watumishi Housing Investment(WHI) tumeona tuadhimishe siku hii kwa kuikumbuka.
“Hivyo tumekabidhi msaada wa dawa na mahitajki mengine kwa Taasisi hii ya Ocean Road jijini Dar es Salaam tukijua kabisa kuwa utaenda kusaidia Wanawake wenzetu na Watanzania kwa ujumla wanaosumbuliwa na ugonjwa wa saratani,” amesema Prisclile.
