28.7 C
Dar es Salaam
Sunday, November 28, 2021

Viwanda vyadaiwa kutumia kanisa kukwepa kodi

MWANDISHI WETU – DAR ES SALAAM

ENEO la kanisa la Anglikana lililopo Mtoni-Buza katika Manispaa ya Temeke jijini Dar es salaam limetumika kukwepa kodi ya pango la ardhi kwa kuendesha biashara vikiwemo viwanda vya wachina na maduka makubwa.

Hayo yamebainika mwishoni mwa wiki jijini Dar es Salaam, baada ya Mkuu wa kitengo cha Kodi kutoka Wizara ya Ardhi, Denis Masami kutembelea eneo hilo lenye jumla ya ekari 410 ambalo limemilikishwa kwa matumizi ya makazi na siyo biashara.

Kutokana na hali hiyo mkuu huyo wa kitengo cha kodi alilazimika kufika katika eneo la taasisi hiyo baada ya kukaidi kulipa kodi ya pango la ardhi kwa muda mrefu kuanzia mwaka 2005 hadi sasa ambapo maafisa ardhi kutoka Manispaa ya Temeke wamekuwa wakipeleka hati za madai mara nyingi bila ushirikiano wowote kutoka kwa Taasisi hiyo.

Aidha kwa mujibu wa mkuu huyo taasisi hiyo imebadili matumizi ya uendelezaji katika eneo hilo na wameweka wapangaji wanafanya biashara mbalimbali.

Baadhi ya maeneo wameweka wapangaji na wamejenga kituo cha mafuta, maduka zaidi ya 200 na yote yanafanya biashara, garage na viwanda vinavyozalisha bidhaa mbalimbali.

“Hata hivyo kutokana na shughuli zote hizi za kibiashara zinazofanywa katika eneo hili la kanisa, ni wajibu wao kulipa kodi ya pango la ardhi kwa kuwa linatumika kibiashara tofauti na taratibu za umilikishaji ambazo zilihusu eneo la ibada kitu ambacho sio cha kweli,” alisema

Ikumbukwe kwamba Januari 27, 2019 Waziri wa Ardhi, Nyumba na Maendeleo ya Makazi, William Lukuvi alifuta kodi ya pango la ardhi kwa taasisi za dini na taasisi nyingine zinazotoa huduma, japo kuwa agizo hili halihusu taasisi zinazofanya biashara na kupata faida.

- Advertisement -
bestbettingafrica

Related Articles

LEAVE A REPLY

Please enter your comment!
Please enter your name here

Stay Connected

66,457FansLike
167,206FollowersFollow
526,000SubscribersSubscribe
- Advertisement -
10Bet

Latest Articles