Na Christopher Msekena, Mtanzania Digitala
Staa wa Bongo Fleva, Hennesseyy Hennesseyy, ameendeleza ubabe kwenye muziki huo baada ya kufunga wiki hii na mkwaju mpya, Angusha aliomshirikisha Elly Da Bway.
Hennesseyy ambaye ni bosi wa leo ya Spacious Music na Spacious Films, amejizolea umaarufu mkubwa kwa muziki mzuri unaoambatana na video kali zinazolenga kutamba kwa maisha ya kula bata anayoishi.
Akizungumza na mtanzania.co.tz, Hennesseyy ameweka wazi kuwa miongoni mwa ngoma kali alizotumia bajeti kubwa kutoka kwenye albamu yake ni Angusha na tayari mashabiki wameipokea vizuri.
“Maisha ya bata ndio maisha yetu halisi kwahiyo tunachokionyesha kwenye video ndio kile tunachoishi kama Spacious Music, nashukuru mapokea ya Angusha yamekuwa mazuri kwasababu tumeendelea kukaza kwa kutoa video za gharama na muziki mzuri kama kawaida yetu,” amesema Hennesseyy.
