NA CHRISTOPHER MSEKENA
MSANII wa Bongo Fleva na mdogo wa mwanamuziki Vanessa Mdee, Marianne Mdee ‘Mimi Mars’ amesema anafurahi kuona Jux na dada yake wamemaliza tofauti zao na wamekuwa pamoja tena kama zamani.
Jux na Vanessa Mdee mwezi Mei mwaka huu walitangaza kuvunjika kwa penzi lao kutokana na sababu ambazo kila mmoja hakutaka kuziweka wazi hivi karibuni wameonekana tena pamoja huku wakikonga nyoyo za mashabiki wao kwenye tamasha la Fiesta ambapo wengi wameonyesha kupenda kuwaona pamoja.
Akizungumzia ugomvi wa Vanessa na Jux, Mimi Mars alisema alikuwa anajisikia vibaya kuona wawili hao hawapo tena pamoja kutokana na kuzoea kuwaona wakiwa wote.
“Mimi nafurahi kuona Jux na Vanessa wamemaliza tofauti zao na wanaongea tena kama zamani, ingawa sijui kama wamerudiana kama marafiki tu au kama wapenzi,” alisema Mimi Mars.
