MANCHESTER, England
KIUNGO wa Manchester United, Paul Pogba, anavutiwa zaidi na mpango wa kurejea Juventus na si kwenda PSG au Real Madrid.
Pogba atamaliza mkataba wake mwishoni mwa msimu huu na hajaonesha nia ya kuongeza mwingine Old Trafford.
Kwa mujibu wa vyanzo vya habari, Pogba ameshamwambia wakala wake, Mino Raiola, ashughulikie ishu ya kurejea Ligi Kuu ya Italia (Serie A).
Mfaransa huyo atakuwa huru kuzungumza na klabu yoyote ya nje ya England ifikapo Januari, mwakani.
