KIGALI, Rwanda
SHIRIKISHO la Soka la Rwanda (FERWAFA) limemsimamisha kuitumikia timu ya taifa kiungo wake, Olivier ‘Sefu’ Niyonzima, kutokana na vitendo vya utovu wa nidhamu.
Hivi karibuni, Niyonzima alicheza na kufunga bao pekee la Rwanda katika kichapo cha mabao 2-1 kutoka kwa Kenya, mchezo wa kuwania tiketi ya kushiriki fainali za Kombe la Dunia za mwakani huko Qatar.
Licha ya FERWAFA kutoweka wazi sababu ya kumsimamisha, zipo taarifa zinazodai mchezaji huyo hakulala kwenye hoteli waliyofikia Amavubi mjini Nairobi.
“FERWAFA inawataarifu Warwanda wote kwamba Olivier Niyonzima amesimamishwa kuichezea timu ya taifa kwa utovu wa nidhamu,” imesomeka taarifa ya Shirikisho hilo.
