LOS ANGELES, MAREKANI
MWANAMUZIKI wa Marekani, John Legend, ameeleza maana ya jina la mwanawe wa pili, Miles Theodore Stephens kuwa linawakilisha mwanamuziki nguli, Miles Davis.
Hatua hiyo inakuja siku chache, baada ya Legend, kumkaribisha mtoto wake huyo wa pili na kumpa jina la Miles Theodore Stephens.
“Tulimpa mtoto wetu wa kwanza wa kike jina la Luna Simone Stephens na kila jina tunalotoa kwa watoto wetu linakuwa na historia katika muziki.
“Miles ni sawa na nguli wa muziki Miles Davis na mke wangu, Chrissy Teigen analipenda jina la Theodore, hivyo likafanya kuwa Miles Theodore Stephens. Baada ya kuzaliwa nilipomshika alikuwa akifanana sawa na Miles,” alisema Legend.
