Na Ibrahim Yassin -Rungwe
WANANCHI wa Kijiji cha Mwela wilayani Rungwe mkoani Mbeya, wameingia kwenye hali ya sintofahamu baada ya mwanakijiji mwenzao, Elizabeth Timba (80), kufariki dunia baada ya kupigwa teke na ng’ombe mali ya Mele Kibambo.
Tukio hilo la kushangaza na la kusikitisha limetokea jana Kijiji cha Mwela, ambapo kikongwe huyo alijikuta akiingia kwenye wakati mgumu, baada ya kuvamiwa na ng’ombe huyo.
Mwenyekiti wa Kitongoji cha Mwela, Lwitiko Mwambepo, alisema baada ya kilio na vishindo kusikika maeneo hayo, waliamua kwenda eneo la tukio wakiwa wameongozana na kundi la wananchi na kujikuta wakibubujikwa na machozi, huku wengine wakiangua vilio baada ya kukuta bibi huyo akiendelea kugaragazwa chini.
