Na JESSCA NANGAWE-DAR ES SALAAM
MSANII wa muziki wa kizazi kipya, Faustina Charles ‘Nandy’, amesema anaumiza kichwa kuandaa kazi mpya ambayo itakuwa bora zaidi ya ‘Wasikudanganye’.
Akizungumza na MTANZANIA jana, Nandy alisema anajisikia vizuri kuona kazi zake zikizidi kukubaliwa na mashabiki, hali inayompa nafasi ya kujipanga upya kufanya wimbo bora zaidi.
“Nimekua na mapokeo mazuri ya kazi zangu kwa mashabiki, hii inanipa moyo wa kuzidi kufanya vizuri zaidi, najua wimbo wangu wa ‘Wasikudanganye’ umeendelea kufanya vema,” alisema Nandy.
Nandy amekua miongoni mwa wasanii wanaofanya vizuri hapa nyumbani na kukubalika kwa mashabiki kutokana na aina ya nyimbo anazoimba.
