DAKAR, Senegal
MLINDA mlango wa Chelsea, Edouard Mendy, ametwaa tuzo ya Mchezaji Bora wa Mwaka wa Senegal, ambayo hutokana na kura za waandishi wa habari nchini humo.
Mendy ameibeba tuzo hiyo akiwapiku wakali wengine wanaokipiga Ligi Kuu England; Sadio Mane (Liverpool) na Ismaila Sarr (Watford).
Ukiwa ni mwezi mmoja umebaki kabla ya kuanza kwa fainali za Afcon, kipa huyo ameibuka kidedea baada ya kujikusanyia kura 321, akifuatiwa na Mane (99) na Sarr (61).
