Mwandishi Wetu, Monduli
Waziri Mkuu mstaafu, Edward Lowassa, amemmwagia sifa Rais John Magufuli, kuwa ni kiongozi mwenye maono huku akiwataka Watanzania wamuunge mkono.
Lowassa amesema hayo leo Jumamosi Machi 9, Monduli mkoani Manyara, katika mkutano wa kumpokea baada ya kurejea CCM akitokea Chadema alikohamia mwaka 2015.
“Kwa sasa mambo yanakwenda kwa kasi kasi hii anaifanya Rais nimekuja kuwaombeni tumuunge mkono ili kazi hii iendelee vizuri.
“Napenda kuwaambieni Rais Magufuli ni kiongozi anayetazama mbele (Vision Leader), ndiyo maana nchi inakwenda kwa kasi sana inawezekana kukatokea makosa ya hapa na pale lakini nchi inakwenda kwa kasi inayopasa.
“Sina mashaka juu ya uongozi wake na naamini tukimuunga mkono wote kwa pamoja tutafika mbali sana,” amesema Lowassa.
