NA BEATRICE KAIZA, Mtanzania Digital
MUANDAAJI wa tamasha la Shukurani, Alex Msama, amesogeza mbele siku ya kufanyika tamasha ambapo itakuwa ni Oktoba 31, mwaka huu kwenye Uwanja wa Uhuru, jijini Dar es Salaam.
Awali tamasha hilo lililoandaliwa na Msama Promotion, lilikuwa lifanyike Oktoba 3, 2021 ambapo kutakuwa na wasanii mbalimbali wa nyimbo za injili akiwamo Upendo Nkone.
Akizungumza na waandishi wa habari leo Agosti 31, Msama amesema wamebadilisha tarehe kutokana na sababu mbalimbali.
“Mashabiki wakae tayari, kwani tumejipanga vizuri na wasanii mbalimbali wakubwa wataimba ‘live’,” amesema Msama.
Amesema tamasha hilo kubwa la mziki wa Injili litakwenda sambamba na kuliombea Taifa na kutoa shukrani kwa Mungu.
