Na Mwandishi Wetu
Rais wa Uganda Yoweri Museveni anatarajiwa kuwasili nchini Kenya kesho Jumatano kwa ziara ya kikazi ya siku mbili.
Rais Museveni atapokelewa na mwenyeji wake Rais Uhuru Kenyatta mjini Mombasa, ambapo viongozi hao wawili watafanya mazungumzo ya pamoja na baadae kufanya mkutano na waandishi wa habari.
Lakini pia akiwa Mombasa Rais Museveni akiongozana na mwenyeji wake Rais Kenyatta watatembelea bandari ya Mombasa.
