Veronica Romwald
Rais mteule wa Chama cha Madaktari Tanzania (MAT), Dk. Elisha Osati, ametunukiwa tuzo ya Uongozi katika Sekta ya Afya kwa Madaktari Vijana, Berlin nchini Ujerumani.
Akizunguma na Mtanzania Digital leo Jumapili Oktoba 14, Dk. Osati amesema tuzo hiyo imetolewa na Shirika la Inter-Academy Partnership (IAP), leo mchana.
“Ni tuzo kuhusu masuala ya uongozi katika sekta ya afya ambayo hutolewa IAP kwa madaktari wenye umri chini ya miaka 40 waliofanya vizuri kiuongozi katika sekta ya afya.
“IAP linafanya kazi na mashirika mengine yaliyopo kila nchi duniani, hapa nyumbani wanashirikiana na Tanzania Academy of Science iliyo chini ya Tume ya Sayansi na Teknolojia Tanzania (Costech), ndiyo waliowasilisha jina langu huko,” amesema.
