DALLAS, PAKISTAN
MAAFISA nchini Marekani wamesema Micah Johnson, aliyewashambulia maafisa wa polisi mjini Dallas wiki iliyopita na kuwaua askari watano alikuwa anapanga mashambulizi makubwa zaidi.
Johnson aliwapiga risasi askari 11 katika maandamano ya umma ya kupinga mauaji ya Wamarekani wawili weusi yaliyofanywa na askari weupe.
Mkuu wa Polisi wa Dallas, David Brown amesema uchunguzi katika nyumba ya mshambuliaji huyo ambaye alikuwa mwanajeshi wa Marekani, ulionyesha alifanya majaribio ya kutumia milipuko.
Hayo yanakuja huku maandamano zaidi ya kupinga mauaji ya watu weusi yakishuhudiwa hapo jana kwa siku ya nne mfululizo katika miji kadhaa nchini humo.
Maafisa wa polisi wamewakamata waandamanaji 160 katika mji wa Louisiana waliokwamisha shughuli katika barabara kuu.
