Glory Mlay – Dar es salaam
BOSI wa bendi ya Malaika, Christian Bella, amesema hana noma na muziki wa Bongo Fleva ndiyo maana huwasikiliza wasanii mbalimbali wanaofanya vizuri ili kupata maarifa mapya.
Bella ambaye yupo nchini Marekani kwenye ziara yake, ameliambia MTANZANIA kuwa huwa anasikiliza nyimbo za wasanii wa Bongo Fleva na anapogundua kuna makosa huwa anawafuata na kuwapa ushauri.
“Huwa nasikiliza kila wimbo wa msanii ambaye ameimba vizuri ila kwa nje namsikiliza sana Chris Brown kwa sababu hata majina yetu yanaendana yeye ni CB na mimi ni CBO.
“Wakati mwingine namsikiliza Diamond, Alikiba, Neddy Music na wengine wengi,” alisema Bella.
