MANCHESTER, England
KWA mara ya pili, kocha wa zamani wa Real Madrid, Zinedine Zidane, amesema havutiwi na mpango wa kuchukua mikoba ya Ole Gunnar Solskjaer pale Old Trafford.
Presha ya kutimuliwa imeendelea kumwandama Solskjaer, hasa baada ya kichapo cha mabao 2-0 kutoka kwa Manchester City mwishoni mwa wiki iliyopita.
Mbali ya Zidane, pia Man United walikuwa wakihusishwa na huduma ya kocha wa kimataifa wa Italia, Antonio Conte, lakini aliishia mikononi mwa mabosi wa Tottenham.
Mara zote Zidane mwenye umri wa miaka 49 amekuwa akisisitiza kuwa ni kazi ya kuinoa timu ya taifa ya Ufaransa ndiyo anayoimezea mate.
