Na Esther Mnyika, Mtanzania Digital
Benki ya Maendeleo ya Kilimo Tanzania(TADB) imefunga mafunzo kwa wataalam 52 kutoka Benki washirika kuhusu namna bora kutoa mikopo katika sekta ya kilimo na kuangalia viatarishi jambo ambalo litasaidia taasisi za fedha nchini kufanyakazi kwa ufanisi na kuleta tija kwa Taifa.
Mafunzo hayo yameendeshwa na Benki Kuu ya Tanzania(BoT) kupitia BoT Academy kwa lengo la kuzalisha wataalam wengi katika taasisi za fedha ambao watasaidia kutoa mikopo.
Akizungumza Mei 3, 2024 jijini Dar es Salaam wakati akifunga mafunzo hayo, Kaimu Mkurugenzi na Muendeshaji wa TADB, Dk. Kanael Nnko, amesema mafunzo hayo yanakwenda kuleta tija katika utoaji wa mikopo sekta ya kilimo.
“Tunaamini mafunzo haya pamoja na washiriki yanakwenda kuongeza tija katika utekelezaji wa majukumu yetu ya hakikisha sekta ya kilimo inasonga mbele,” amesema Dk. Nnko.
Amesema lengo la mafunzo hayo ni kuwa na wataalam ambao watasaidia kutoa mikopo katika sekta nzima ya kilimo naKuhakikisha idadi kubwa ya wakulima wanafikiwa na kupata mikopo katika Mikoa yote kwa maendeleo ya Taifa.
Amesema kuwa TADB katika kipindi cha miaka sita hadi sasa mfuko wa dhamana Benki ya kilimo. imeweza kudhamini mikopo ya shilingi bilioni 270 kupitia benki washirika.
Amesema kuwa TADB katika kipindi cha miaka sita hadi sasa mfuko wa dhamana Benki ya kilimo. imeweza kudhamini mikopo ya shilingi bilioni 270 kupitia benki washirika.
Ameeleza kuwa wameweza kuwafikia wakulima walengwa 24,000, huku benki ya washirika wametoa asilimia 11 ya mkopo katika sekta ya kilimo na kuendelea kuongeza juhudi ili kufikia mwaka 2030 sekta ya mikopo imefikia asilimia 30 ya malengo.
“Kilimo ni sekta kubwa hivyo huwezi kuwafikia wote kwa siku moja, juhudi zinaendelea kufanyika ili vijana, wakina mama na baba waweze kuingia katika sekta ya kilimo,” amesema.
Kwa upande wake Makamu wa Mkuu wa Chuo Benki Kuu ya Tanzania (BoT) Dk. Ephraim Mwasanguti, amesema kuwa miongoni mwa majukumu yao ni kutoa elimu kwa mabenki na taasisi za fedha kuhusu utekelezaji wa majukumu mbalimbali.
“Tulipewa kazi na benki ya maendeleo ya kilimo ya kutengeneza programu kwa ajili ya wakulima wadogo wadogo hasa ikilenga kuelimisha mabenki hasa maafisa mikopo ili waweze kutoa mikopo ambayo italipika kwa sababu hizi ni fedha za umma na kuleta matokeo mazuri katika nchi yetu,” amesema Dk. Mwasanguti.
Dk. Nnko amefafanua kuwa mafunzo hayo yameendeshwa na Benki Kuu ya Tanzania (BoT) kupitia BoT Academy pamoja na washirika wengine kutoka Chuo Kikuu cha Kilimo Sokoine (SUA) pamoja na Chuo Kikuu cha Mtakatifu Agustino (SAUT) ambao wameshiriki katika kuunda mifumo pamoja na kufundisha.
