Na Brighiter Masaki
Mkuu wa Mkoa wa Pwani(RC), Abubakari Kunenge, ameahidi kumaliza migogoro ya ardhi katika mkoa huo.
Kunenge amesema hayo leo Agosti 30, alipokuwa akizungumza na wandishi wa habari kwa lengo la kufahamiana na kujiwekea malengo ya mpango kazi Ili kuweza kutangaza Mkoa wa Pwani ndani na nje ya nchi na rasilimali zake.
Aidha amesema mkoa huo una changamoto ikiwamo upatikanaji wa habari huku akiahidi kufungua milango na kushirikiana na vyombo mbalimbali mkoani hapa.
“Hivi karibuni nitafanya ziara ndani ya Mkoa wa Pwani, mimi ni mtawala hivyo nahitaji kutatua changamoto mbalimbali zinazowakabili wananchi wengi ‘ amesema Kunenge.
Naye Katibu Tawala wa mkoani humo, Mhandisi Mwanasha Tumbo amesema kuwa wamewatuma wataalamu mbalimbali katika Wilaya za Bagamoyo na Chalinze ambapo watajihusisha kwa kung’amua changamoto zinazowakabili wananchi na kuzitatua.
