NEW YORK, MAREKANI
MTOTO wa marehemu, Michael Jackson, Paris Jackson, amesema michoro ya ‘tattoo’ katika mwili wake ina maana kubwa kwake.
Mwanamitindo huyo juzi aliongeza mchoro mwingine mwilini mwake na kukamilisha jumla ya michoro 23.
Kupitia akaunti yake ya Instagram, mrembo huyo alisema kwamba ataendelea kuchora mwili wake kutokana na kuamini kinachotokea katika maisha yake ya kila siku.
“Nimeongeza ‘tattoo’ ya 23, hizi zina maana kubwa sana kwangu kwa kuwa zinatokana na matukio ya maisha yangu na mambo mengine mbalimbali.
“Kila ‘tattoo’ nikiiangalia nayaona maisha yangu ya baadaye sioni giza mbele yangu, ninachokiona ni kule niendako na nilikotoka,” aliandika Paris.
