NEW YORK MAREKANI
MSANII wa hip hop nchini Marekani, Nick Cannon, amedai baada ya kuachana na aliyekuwa mke wake, Mariah Carey, hana mpango wa kuoa tena katika maisha yake.
Wawili hao waliachana mwaka 2014 baada ya kukaa kwenye ndoa kwa miaka sita.
“Nadhani ndoa si kwa kila mtu, sina sababu ya kutafuta mke mwingine.
“Napenda nimuone Mariah akiendesha maisha yake vizuri kwa kuwa sasa yupo na tajiri hivyo wataishi vizuri na watalea watoto wetu,” alieleza Cannon.
Kabla ya kuachana kwao, wawili hao walifanikiwa kupata watoto wawili mapacha walioitwa, Moroccan na Monroe, ambao walizaliwa Aprili 2011.
