OHIO, MAREKANI
MTOTO wa mwanamitindo maarufu nchini Marekani, Khloe Kardashian, True Thompson, amefikisha jumla ya mashabiki 120,000 kwenye ukurasa wake wa Instagram.
Mtoto huyo wa kike ambaye ana siku sita tangu kuzaliwa kwake, ametikisa kwenye mtandao huo wa kijamii ikiwa hata picha yake haijawekwa wazi hadi sasa.
Wazazi wa mtoto huyo, Khloe Kardashian na Tristan Thompson, waliamua kumfungulia akaunti hiyo ili kuona uwezekano wa kuja kuwa staa.
Hata hivyo, inadaiwa tangu kufunguliwa kwa akaunti hiyo, bado wazazi hao hawajaposti kitu chochote, lakini mashabiki wanazidi kumiminika.
Juzi familia ya Kardashia iliwasili mjini Ohio kwa ajili ya kumtembelea ndugu yao, Khloe na kumpa hongera kwa kujifungua salama.
