TEXAS, MAREKANI
MKE wa aliyekuwa Rais wa Marekani, George H. W. Bush, ambaye pia ni mama wa Rais mwingine wa zamani wa nchi hii George W. Bush, Barbara, amefariki dunia akiwa na umri wa miaka 92.
Katika miaka ya karibuni afya yake ilikuwa ikidhoofu na kulazwa muda mrefu hospitalini kabla ya kuamua kuacha kuendelea kutumia dawa, kwa mujibu wa taarifa ya ofisi ya familia yake.
Barbara aliheshimiwa na kambi zote za kisiasa nchini Marekani, na amesifiwa na Rais Donald Trump kama mtetezi wa familia imara.
Ndoa ya Barbara na mumewe ilidumu kwa miaka 73.
Trump ameamuru bendera zote za Marekani kupepea nusu mlingoti kumuenzi marehemu.
