Na Mwandishi Wetu, Mtanzania Digital
Waziri wa zamani wa Mambo ya Nje na Ushirikiano wa Kimataifa ambae pia aliwahi kuwa mbunge wa Jimbo la Mtama, Bernard Membe amefariki dunia mapema leo Mei 12, 2023.
Membe amefariki dunia katika hospitali ya Kairuki iliyopo Mikocheni,jijini Dar es Salaam alikokuwa akipatiwa matibabu ya kifua.
Rais Dk. Samia Suluhu Hassan amesikitishwa na taarifa za kifo cha Membe ameandika kupitia Ukurasa wake rasmi wa twitter kuwa: “Nimepokea kwa masikitiko taarifa za kifo cha Ndugu Bernard Membe. Kwa zaidi ya miaka 40 Ndugu Membe alikuwa mtumishi mahiri wa umma, mwanadiplomasia, Mbunge na Waziri aliyetumikia nchi yetu kwa weledi.
“Pole kwa familia, ndugu, jamaa&marafiki. Mungu amweke mahali pema. Amina,” ameandika Rais Samia.
