NA GLORY MLAY-DAR ES SALAAM
MSANII wa muziki anayefanya vizuri kwa sasa nchini, Lulu Abbas maarufu kama Lulu Diva, amesema nyimbo zake zinafanya vizuri kutokana na kujiongeza kwa kupokea ushauri wa wadau na mashabiki zake.
Akizungumza na MTANZANIA jana, Lulu Diva, alisema kitu chochote hakiwezi kwenda bila kupokea ushauri, hivyo amejiongezea maarifa kwa kupitia wadau na mashabiki mbalimbali.
“Mafanikio yanakuja pale unapokubali kushauriwa, napenda kupokea ushauri kutoka kwa mashabiki na wadau mbalimbali kwani ushauri mwingine unanijenga na kunifanya nipige hatua,” alisema Lulu Diva.
Aliongeza kuwa nia na kiu yake siku moja kutimiza ndoto zake kwani anaamini uwezo anao wa kufika hatua ya kimataifa.
