MERSEYSIDE, England
KWA kuifunga AC Milan mabao 2-1 jana, Liverpool imekuwa timu ya kwanza ya England kushinda mechi zote sita za hatua ya makundi ya Ligi ya Mabingwa Ulaya.
Liver waliandika historia hiyo katika mchezo wa 50 kwa Jurgen Klopp tangu aanze kuiongoza timu hiyo kwenye michuano hii ya Shirikisho la Soka Ulaya (UEFA).
Katika mechi hiyo iliyochezwa jijini Milan, Italia, Liver ilitanguliwa kwa bao la Fikayo Tomori, kabla ya Mohamed Salah na Divock Origi kujibu majipo kwa kuingia kambani.
Baada ya dakika 90 za mtanange huo wa Kundi B, Mjerumani huyo aliwamwagia sifa wachezaji wake wawili, Alex Oxlade-Chamberlain na Takumi Minamino.
