NEW YORK, MAREKANI
MWANAMITINDO maarufu nchini Marekani, Kylie Jenner, amewaacha na maswali mengi mashabiki wake baada ya kuposti picha kwenye akaunti yake ya Instagram ambayo inaonesha hakuna dalili ya kuwa na ujauzito.
Mapema mwishoni mwa wiki iliyopita kulikuwa na taarifa kwenye mitandao ya kijamii kwamba staa huyo ana ujauzito na hata mama yake alithibitisha kuwa mwanawe ana ‘kibendi’.
Picha ambayo ameiweka mwanamitindo huyo inaonesha akiwa na tumbo dogo na kuacha swali kwa mashabiki wake kwamba ‘Nina mimba?’ Hata hivyo, picha hiyo iliyowekwa ilikuwa ya zamani, lakini bado iliwachanganya mashabiki.
Taarifa za kuwa na ujauzito zilisema kwamba, mrembo huyo anatarajia kuwa na mtoto wake wa kwanza Februari, mwakani, lakini yeye mwenyewe hajataka kuthibitisha kama kweli ana ujauzito.
