MADRID, Hispania
RONALD Koeman amekuwa kocha wa kwanza wa Barcelona ndani ya miaka 81 kupoteza El Clasico zote tatu za mwanzoni mwa kibarua chake.
Mholanzi huyo aliweka rekodi mbovu hiyo jana baada ya Barca kutandikwa mabao 2-1 na wapinzani wao wakubwa, Real Madrid, mchezo uliochezwa Camp Nou.
Sergio Aguero aliitanguliza Barca lakini mabao ya David Alaba na Lucas Vazquez yalitosha kuifanya Madrid iondoke na pointi tatu za ugenini.
Ukiacha Koeman, kocha mwingine aliyewahi kufungwa mara tatu na Madrid mwanzoni mwa kibarua chake ni Patrick O’Connell aliyeinoa Barca kuanzia mwaka 1935 hadi 1940.
