BRIGHITER MASAK I-DAR ES SALAAM
MSANII wa bongo fleva, Rajabu Abdul ‘Harmonize’ ametangaza ujio wa albamu yake ya pili ambaye amaipa jina la High School.
Msanii huyo ambaye ni mmiliki wa kundi la Konde Music World Wide, amesema nyimbo zote kwenye albamu hiyo zimeimbwa kwa lugha ya Kiingereza.
Albamu ya kwanza ya msanii huyo inayojulikana kwa jina la Afro East, alizinduliwa Machi 14 mwaka huu kwenye Ukumbi wa Mlimani City, jijini Dar es salaam.
Album hiyo imekuwa na mafanikio makubwa kwake ambapo ndani yake aliwashirikisha wasanii nguli kama vile Lady Jaydee, Mr. Blue na msanii kutoka nchini Nigeria, Burna Boy.
