NA SALMA MPELI,
FOMU za kushiriki tamasha la Siku ya Msanii, zimeanza kutolewa kwa ajili ya kushiriki kwenye sherehe hizo zilizopangwa kufanyika Oktoba 25 mwaka huu.
Akizungumza na BINGWA jana, Mkurugenzi wa Kampuni ya Haak Neel Production, Justine Kussaga, alisema fomu zimeanza kutolewa kupitia vyama vya wasanii wa nchini, kwa ajili ya kufanikisha zoezi hilo.
“Maandalizi yanaendelea na kila kitu kinakwenda sawa, fomu zimeanza kutolewa kwa wasanii kupitia kwa vyama vyao kwa ajili ya kufanikisha zoezi hilo,” alisema.
Siku ya Msanii inafanyika Oktoba ya kila mwaka ambapo wasanii mbalimbali wanakutana na kuwasilisha kazi zao huku tuzo zikitolewa kwa wasanii hao, kauli mbiu ya mwaka huu ni ‘Nguvu ya Sanaa’.
