MUNICH, Ujerumani
WINGA wa Bayern Munich, Kingsley Coman, ameachana na wakala wake, Pini Zahavi, na hatua hiyo imekuja baada ya kushindwa kumtafutia klabu Ligi Kuu England.
Inasemekana kuwa Coman alishamwambia Zahavi kwamba ni lazima ahakikishe anaondoka Bayern kupitia usajili uliopita, jambo ambalo wakala huyo alichemsha.
Mkataba wake utafikia ukomo Juni, 2023, lakini hadi nyota huyo raia wa Ufaransa hajakaa mezani na mabosi wa Bayern kuzungumzia ishu ya kuongeza mwingine.
Itakumbukwa kuwa kwa kipindi chote cha usajili uliopita, jina la Coman lilikuwa likitajwa kwenye klabu mbalimbali za Ulaya, zikiwamo Liverpool, Chelsea na Real Madrid.
