Na Mwandishi Wetu, Mtanzania Digital
Baada ya kufanya muziki wa kizazi kipya kwa muda mrefu, mwanamuziki kutoka nchini Australia, Bien Melody, ameingia rasmi kwenye muziki wa Injili.
Akizungumza na www.mtanzania.co.tz Bien amesema tayari ameachia audio na video ya wimbo wake mpya wa Injili unaoitwa Only You huku akifuta nyimbo zake zote za kadunia kwenye mitandao.
“Nimeondoa nyimbo zote za Bongo Fleva kwenye mitandao, nimefungua chaneli mpya ya YouTube, Apple Music, Deezer na mitandao mingine ili nizidi kumtangaza Mungu na nimeachana kabisa na mambo ya dunia,” amesema Bien.
Aliongeza kuwa tayari wimbo wake Only You umetoka mwishoni mwa wiki na mashabiki wapya na wa zamani wanaweza kutazama video kwenye YouTube na kusikiliza kupitia Apple Music.
