CALIFONIA, MAREKANI
MWANAMUZIKI wa Marekani, Beyonce Knowles, mwishoni mwa wiki iliyopita alishindwa kumaliza onesho lake akiwa jukwaani baada ya kuteleza mguu wa kushoto na kuanguka pamoja na mdogo wake, Solange, katika tamasha la muziki la Coachella linalofanyika jijini Califonia, Marekani.
Beyonce baada ya kufanya vizuri katika onesho la  wiki iliyopita, juzi aliungana na Solange, jukwaani kuimba wimbo wa  ‘Get Me Bodied’, lakini walishindwa kumalizia baada ya kuteleza na kuanguka wakati akijaribu kumbeba.
Mwanamuziki huyo wiki iliyopita aliungana na kundi lake la zamani la Destiny’s Child, linaloundwa na Michelle Williams na Kelly Rowland.
Mara ya mwisho, Destny’s Child kuimba pamoja ilikuwa mwaka 2013, baada ya kutengana mwaka 2003.
