CATALUNYA, Hispania
SIKU yoyote kuanzia leo, Barcelona watamtangaza Xavi kuwa kocha wao mpya baada ya kumfuta kazi Ronald Koeman.
Xavi, ambaye kwa sasa anainoa Al-Sadd ya Qatar, ambako ameshinda mechi 62 kati ya 90 alizokaa klabuni hapo.
Tayari kiungo huyo wa zamani wa Barca ameshaanza kuandaa mazingira ya kufufua makali ya klabu hiyo, ikiwamo kuwataka mabosi wamsajili ‘mido’ wa Manchester United, Paul Pogba.
Mbali ya Pogba, pia Xavi amependekeza usajili wa staa wa Borussia Dortmund, Erling Haaland, sambamba na kiungo wa RB Leipzig aliyekulia La Masia, Dani Olmo.
