BOSI wa B Band, Banana Zorro na Ashura Kitenge, wanatarajia kufanya maonyesho mawili makubwa nchini, Australia, wakisindikizwa na bendi maarufu ya Milford Music huko Crown Towers Perth na Coventry Perth.
Akizungumza na Swaggaz jana, Banana Zorro alisema: “Jumamosi (leo) tutakuwa kwenye hoteli ya nyota tano Crown na Jumatano ijayo tutatumbuiza Coventry Perth, haya ni maonyesho yaliyoandaliwa na taasisi isiyo ya kiserikali ya Rafiki Surgical ili kuchangisha fedha kwaajili ya kugharamia madaktari wa kujitolea na kununua magari ya wagonjwa zaidi ya 15 kwenye hospitali mbalimbali Tanzania.”
