Na Amina Omary, Tanga
Kanisa la KKKT Dayosisi ya Kaskazini Mashariki imepata kiongozi wake baada ya kusimikwa rasmi Dk. Mch. Msafiri Mbilu kuwa Askofu kamili.
Askofu Dk. Msafiri Mbilu amesimikwa rasmi kuwa Askofu wa Dayosisi ya Kaskazini Mashariki baada ya baada ya kufanyika misa rasmi hii leo katika Siku ya Bwana ya 5 baada ya PASAKA.
Mwezi November 25-26,2020,ulifanyika uchaguzi wa kumtafuta Askofu wa Dayosisi ya Kaskazini Mashariki na ndipo Dk. Msafiri Mbilu kuteuliwa kuwa Askofu mteule wa Dayosisi hiyo.
Misa hiyo ya kumsimika Uaskofu imeongozwa na Mkuu wa KKKT Askofu Dkt.Fedrick Shoo katika Kanisa Kuu la Lushoto,mgeni rasmi akiwa Waziri Mkuu wa Jamhuri ya Muungano wa Tanzania Kassim Majaliwa.
Dk. Mbilu anakua Askofu wa awamu ya Tano katika Dayosisi ya Kaskazini Mashariki tangu kuanzishwa na msaidizi wake akiwa ni Michael Kanju.
