NA RHOBI CHACHA, DARE S SALAAM
MWIGIZAJI wa filamu nchini, Wastara Juma, amesema kuwa mwanaume aliyemvisha pete ndiye aliyeridhika naye kutoka moyoni.
Akizungumza na MTANZANIA, Wastara alisema amekaa na kuchunguza ni mwanaume gani anayeweza kuwa naye katika maisha baada ya mume wake, Juma Kilowoko ‘Sajuki’ kufariki dunia na ndipo alipompata kijana mmoja wa Kiarabu (jina linahifadhiwa).
“Kama nilivyosema siwezi kukurupuka kuolewa na mwanaume ambaye sijaridhika naye kutoka moyoni, hivyo nashukuru kumpata mwanaume mwenye sifa ninazotaka, namshukuru Mungu,” alisema Wastara.
