Tunza Mazingira Yako, Ufaidike Maishani.
Katika kuendeleza utamaduni wa kuishirikisha jamii inayotuzunguka, Meridianbet kwa kushirikiana na Ofisi ya Mkuu wa Mkoa wa Dar es Salaam, iliandaa shughuli maalumu ya kusafisha fukwe ya Coco Beach.
Coco Beach ni miongoni mwa fukwe pendwa na maarufu jijini Dar es Salaam, kwa msingi huo, ni muhimu eneo la fukwe hii kuwa safi na salama kwa watumiaji ambao wengi wao ni wafanyabiashara pamoja na wageni wanaotembelea eneo hilo kama sehemu ya burudani na mapumziko.
Kwa umuhimu na upekee wa fukwe hii, Meridianbet iliona ni muhimu kuandaa zoezi maalumu la kuishirikisha jamii na serikali katika kuendeleza juhudi za kusafisha na kupendezesha jiji la Dar es Salaam. Zoezi hili lilikua mahususi kwa ajili ya usafi na usalama wa fukwe hii ambayo inatajwa kama fukwe pendwa miongoni mwa wakazi wa jiji la Dar es Salaam.
Ni desturi iliyojengeka kwa Meridianbet kushiriki katika shughuli za kijamii na kuchangia kwa kile kinachowezekana. Safari hii, Meridianbet ilichangia vifaa vya usafi ikiwemo mafagio, mifuko maalumu ya kuhifadhia takataka pamoja na vilinda mikono kama sehemu ya kuhakikisha zoezi la usafi linakua endelevu kwenye fukwe hii. Pia, katika kuwatambua wafanyabiashara ndogondogo ambao wengi wao ni wauza mihogo kwenye fukwe hii, Meridianbetiliwapatia mavazi maalumu kwa lengo la kuongeza unadhifu na usafi wao pindi wanapokuwa kwenye shughuli zao.
Akishiriki kikamilifu katika tukio hilo, Mkuu wa Mkoa wa Dar es Salaam, Mhe. Amos Makalla, ameendelea kutoa wito kwa wananchi kufanya usafi kwenye maeneo yao huku akiwasisitiza wakandarasi kuhakikisha wanaondoa taka kwa wakati kwakuwa tayari wananchi wamehamasika kufanya Usafi. Pia, ameipongeza na kuishukuru kampuni ya Meridianbet kwa kujumuika na jamii ikiwa ni ishara ya kuunga mkono kampeni ya Safisha, pendezesha Dar es Salaam yenye lengo la kuhamisha ufanyaji wa usafi sehemu zote za jiji hili.
Hakika, Meridianbet Ipo Nawe Mahali Popote, Wakati Wowote!
