TURIN, Italia
MKUU wa benchi la ufundi la Chelsea, Thomas Tuchel, amesema vijana wake walitandaza soka la kiwango cha juu kuimaliza Juventus kwa kichapo cha mabao 4-0, mchezo wa Ligi ya Mabingwa Ulaya uliochezwa usiku wa jana.
Huku matokeo hayo yakiivusha Chelsea, Juve waliharibiwa siku kwa mabao ya Trevoh Chalobah, Reece James, Callum Hudson-Odoi na Timo Werner.
“… Ni ngumu kutengeneza nafasi na kufunga hapo hapo lakini tulifanya hivyo. Ni kiwango bora sana na matokeo mazuri pia,” amesema Tuchel.
Blues wamebakiza mchezo mmoja wa hatua ya makundi ya michuano hii, ambapo watasafiri kueleka Urusi iliko Zenit St Petersburg.
