MUNICH, Ujerumani
KUNA vita nzito inayoendelea kati ya Tottenham, Inter Milan na Juventus, ambapo klabu hizo zinashindana kumsajili staa wa Bayern Munich, Corentin Tolisso.
Mfaransa huyo mwenye umri wa miaka 27, atakuwa mchezaji huru mwishoni mwa msimu huu, hivyo Bayern wanaona ni bora kumuuza Januari, mwakani, kuliko kumwacha aondoke bure.
Tolisso si mchezaji muhimu kwa Bayern kwani msimu huu ameingia mara moja pekee kwenye kikosi cha kwanza cha kocha Julian Nagelsmann.
Alijiunga na Bayern mwaka 2017 akitokea Lyon lakini majeraha ya mara kwa mara yamemzuia kuwa kwenye kiwango chake cha juu.
