NAIROBI, KENYA
MASHABIKI wa muziki nchini Kenya, wametumia mitandao ya kijamii kuiponda shoo ya mkali kutoka nchini Nigeria, Tekno Miles, iliyofanyika mwishoni mwa wiki iliyopita mjini Nairobi.
Msanii huyo alikuwa nchini humo kwa ajili ya tamasha la The Wave Concert, lakini shoo yake ilionekana kuzomewa na mashabiki wengi kutokana na vyombo kutosikika wakati vikipigwa ‘Live’.
Msanii huyo alitumia dakika 28 jukwaani, lakini hakuweza kuwafurahisha mashabiki ambao walijitokeza kutokana na wapiga bendi wake kushindwa kuseti vizuri vifaa vyao.
Hata hivyo, DJ maarufu nchini humo, Creme De La Creme, alitumia ukurasa wa Twitter kuwaambia mashabiki kwamba, Tekno alikuja kwenye shoo hiyo bila ya kujiandaa na si tatizo la vyombo kama watu wanavyosema.
