Beatrice Kaiza
MSANII wa muziki wa bongo fleva, Gift Stanford ‘Gigy Money’ amesema kuelekea siku ya Wanawake Duniani, Machi 8, wamejipanga kufanya mapinduzi kwa kupitia kampeni yao ya ‘Super Woman’ ambapo watatoa mitaji kwa wanawake. Gigy Money ambaye ni mmoja kati ya wanawake
wanaoiendesha kampeni hiyo, alizungumza na MTANZANIA jana na kusema, mwanamke anastahili kupendwa, kuthaminiwa na kupewa heshima.
“Tumeungana akina mama, wadada kwa kupitia kampeni ya ‘Super Woman’ ili kuweza kusaidiana wenyewe tukipeana mitaji, elimu kutokana na vipaji tulivyonavyo,” Alisema Gigy Money.
Aliongeza kwa kusema, kutambua thamani ya mwanamke wameamua kuachia wimbo mpya ambao unajulikana kwa jina la ‘Super Woman’ kwa ajili ya kuwapa faraja, nguvu na kuwatia moyo.
