Miami, Marekani
WAKONGWE wa muziki nchini Marekani, Shakira na Jennifer Lopez maarufu kwa jina la J-Lo, mwishoni mwa wiki iliopita waliacha gumzo kwenye mchezo wa Super Bowl LIV baada ya kufanya shoo ambayo iliwaacha mashabiki midomo wazi.
Wawili hao hawajawahi kufanya shoo ya pamoja kwa miaka mingi iliopita, hivyo wameandika historia kwa mashabiki ambao walijitokeza kwa wingi.
Miongoni mwa mashabiki ambao waliguswa na shoo hiyo ni pamoja na mastaa kutoka familia ya Kardashian, Kim Kardashian na Kylie Jenner na Khloe Kardashian
“Ukweli ni kwamba wamewafunga watu midomo, hongera sana Shakira, J-Lo kwa shoo ya aina yake wakati wa SuperBowl Halftime.
“Umri na kile walichokifanya kimeshangaza wengi, walikuwa na nguvu kubwa, hakika wametushangaza,” alitwiti Kim.
