Na RAMADHAN HASSAN-DODOMA
SPIKA wa Bunge, Job Ndugai ameitaka Wizara ya Maji kuweka usawa katika ugawaji wa miradi ya maji kwani kuna maeneo wanapendelewa.
Akizungumza jana wakati wa mjadala wa bajeti ya Wizara ya Maji kwa mwaka 2020/21, Spika Ndugai alisema kwa sasa hakuna usawa katika ugawaji wa miradi ya maji kwani kuna maeneo wanapendelewa.
Alisema haiwezekani maeneo mengine vijiji viwe vichache huku mengine wakipatatiwa mamilioni ya fedha.
“Profesa tunakupitishia bajeti yako, lakini mambo ovyo, hakuna usawa, wengine kijiji kimoja wengine wanapata mamilioni, nasema hapana, hili linatakiwa kuangaliwa.
“Ni tatizo kubwa, unaweza ukaona wewe unapata ugali unashiba, lakini hili ni tatizo kubwa,” alisema Spika Ndugai.
